Tenisti Nick Kyrgios ka thënë se është fyer në baza racore
Organizatorët e turneut të tenisit “Stuttgart Open” kanë hapur hetime për racizëm të shfaqur ndaj tenistit Nick Kyrgios, të shtunën.
Australiani 27-vjeçar shkroi në Instagram se është fyer gjatë gjysmëfinales kundër Andy Murrayt.
Kyrgios, i cili humbi në dy sete, u penalizua pasi e goditi reketin dhe ka shkëmbyer fjalë me tifozët në tribuna.
“Kur do të ndalet kjo? Përballja me fyerjet racore nga tifozët?”, shkroi ai në Instagram. “Kur hakmerrem ndaj turmës, unë penalizohem. Është përzier gjithçka”, përfundoi Kyrgios.
