Skuadra e Juventusit është futur në garë për sulmuesin kolumbian, Luis Muriel ka bërë të ditur “Calciomercato” të premten.
Mësohet se Juventusi së shpejti pritet t’i bëjë ofertë zyrtare Atalantas për lirimin e Murielit gjatë kësaj vere.
Për 31-vjeçarin, Juventusi është gati të ofrojë rreth 30 milionë euro. Muriel, i cili ka kontratë deri në vitin e ardhshëm, është i gatshëm të largohet nga Atalanta dhe tashmë ka njoftuar drejtuesit e klubit.
Ai iu bashkua Atalantas në vitin 2019, kurse këtë sezon është përdorur kryesisht si rezervist. Muriel shënoi 14 gola dhe asistoi dhjetë herë në të gjitha garat për Atalantan.
