Manchester City është futur në garë për mesfushorin defensiv Kalvin Phillips, i cili po kërkohet edhe nga skuadrat e tjera angleze, ka raportuar BBC të mërkurën. Mësohet se City është i gatshëm t’i paguajë Leeds Unitedit dëmshpërblim deri në 50 milionë euro për Phillipsin.
Te City po e shohin Phillipsin si pasardhës të Fernandinhos, i cili do të largohet muajin e ardhshëm kur edhe i skadon kontrata.
Phillips ka refuzuar ofertën për kontratën e re nga Leedsi dhe po dëshiron që karrierën ta vazhdojë në një klub më të madh, me të cilin do të luftonte për trofe. 26-vjeçari ka kontratë me Leedsin deri në vitin 2024.
