Trajneri i Liverpoolit, Juergen Klopp, është emëruar trajneri i vitit nga Shoqata e Trajnerëve të Ligës.
Gjermani 54-vjeçar e fitoi edhe trofeun “Sir Alex Ferguson”, që votohet nga trajnerët e të gjithë divizioneve të futbollit anglez.
Kloppi po ashtu e fitoi edhe epitetin e trajnerit më të mirë të Premier Leagues, pavarësisht se e humbi titullin, pasi përfundoi në vendin e dytë pas Manchester Cityt.
Tekniku gjerman i Liverpoolit sivjet e ka fituar Kupën FA dhe Kupën e Ligës, ndërsa do të ballafaqohet me Real Madridin në finale të Ligës së Kampionëve të shtunën.
Në listën e ngushtë për këtë çmim ishin Pep Guardiola, Thomas Frank, Eddie Howe dhe Patrick Vieira.
© KOHA. Të gjitha të drejtat janë të rezervuara.
