Atletico Madridi ka fituar 2:1 ndaj Real Sociedadit në kuadër të xhiros së fundit të La Ligas, të dielën mbrëma. Sociedadi ishte vendas.
Për Sociedadin prej minutës së 63-të luajti Adnan Januzaj. Rodrigo De Paul dhe Angel Correa shënuan golat për Madridin. Jon Guridi shënoi në fund për Sociedadin. Atletico përfundoi e treta me 71 pikë.
Sociedadi u rendit i gjashti me 62 pikë. Në ndeshjen tjetër të luajtur të dielën mbrëma, Sevilla fitoi 1:0 ndaj Athletic Bilbaos. Rafa Mir shënoi golin e vetëm. Sevilla renditet e katërta me 70 pikë. Bilbao është në vendin e tetë me 55 pikë.
