Lyoni ka fituar Champions Leaguen në konkurrencën e femrave, duke e mposhtur në finalen e madhe Barcelonën me rezultatin 3:1
Finalja e së shtunës u luajt në “Allianz Stadium” të Juventusit.
Për skuadrën franceze ky është Championsi i tetë i fituar në histori të klubit.
Skuadra franceze e siguroi fitoren në pjesën e parë duke shënuar tre gola.
Amandine Henry realizoi gol të bukur në minutën e gjashtë për 1:0.
Në minutën e 23-të Ada Hegerberg dyfishoi rezultatin.
Golin e tretë e realizoi Catarina Macario në minutën e 33-të.
Barcelona ngushtoi rezultatin në minutën e 41-të me golin e shënuar nga Alexia Putellas për 3:1.
Në pjesën e dytë Barcelona tentoi të rikthejë rezultatin, por pa sukses.
-
21 maj 2022 21:03
-
Shpërndaje në: