Arsenali është duke e rregulluar dokumentacionin për ta kompletuar transferimin e Marquinhos nga Sao Paulo.
Skuadra braziliane do të përfitojë shumën e 3.5 milionë eurove për transferimin e futbollistit 19-vjeçar, që luan në pozitën e krahut.
Kjo pagesë do të bëhet menjëherë, posa të finalizohen detajet.
Marquinhos u lind në vitin 2003 dhe kontrata e tij me Sao Paulon skadon në verën e vitit 2024.
Ai në 15 ndeshje të këtij sezoni ka shënuar tri gola dhe e ka një asistim.
