Të gjitha biletat për ndeshjen miqësore ndërmjet Zvicrës dhe Kosovës, janë shitur, ka njoftuar zëdhënësi i Federatës së Futbollit të Zvicrës, Adrian Arnold.
Ai ka thënë se vetëm dy rreshtat e poshtëm të tribunave të stadiumit “Letzigrund” do të mbeten të zbrazura për çështje sigurie.
Arnold për “Blick” ka thënë se edhe një stadium tjetër me më shumë se 20 mijë e 800 ulëse do të ishte i mbushur në një ndeshje të tillë.
“Cyrihu është një zgjedhje e mirë, pasi shumë nga miqtë tanë kosovarë jetojnë në zonë”, ka thënë Arnold.
Ndeshja në mes të Zvicrës dhe Kosovës luhet sot nga ora 18:00.
Te Zvicra pritet të paraqiten tre futbollistët kosovarë, Granit Xhaka, Xherdan Shaqiri dhe Andi Zeqiri.
© KOHA. Të gjitha të drejtat janë të rezervuara.
