Gjilani fiton “ndeshjen e penalltive” ndaj Dukagjinit

Tre gola të shënuar nga tri penallti të akorduara ishte bilanci i ndeshjes mes Gjilanit e Dukagjinit, që përfundoi me fitoren e ekipit vendas.

Të enjten, Gjilani triumfoi me rezultatin e ngushtë 2:1 përballë Dukagjinit në ndeshjen e xhiros së 21 të Superligës së Kosovës.

Dy golat për Gjilanin, i shënoi kapiteni Gerhard Progni. Progni ishte i saktë nga penalltia në minutën e 25-të dhe 64-të. Ndërkohë, për Dukagjinin, realizoi Mentor Zhdrella po ashtu nga penalltia (59’). Gjilani ndeshjen e përfundoi me një lojtar më pak, pasi në minutat shtesë të pjesës së parë, u përjashtua portieri Enea Koliçi.

Me këtë fitore, Gjilani ka 42 pikë, sa i ka edhe Ballkani që është lider. Dukagjini mbetet në pozitën e parafundit në tabelë me 18 pikë.

Për Dukagjinin, kjo është ndeshja e tetë rresht në Superligë që nuk di për fitore, ka regjistruar katër humbje karshi katër barazimeve.

Skuadra e Gjilanit ka rikthyer epërsinë prej një goli që e pati në pjesën e parë kundër Dukagjinit.

Katër minuta pasi Dukagjini barazoi rezultatin, skuadra e Gjilanit shënoi për rezultatin 2:1. Edhe këtë herë, golashënues ishte Gerhard Progni. Ai realizoi nga penalltia, e cila u akordua pasi një lojtar i Dukagjinit luajti me dorë brenda zonës.

Duhet theksuar se Gjilani është me një futbollist më pak pasi në minutat shtesë të pjesës së parë u përjashtua me karton të kuq portieri Enea Koliçi. Po ashtu, të tri golat e këtij takimi janë shënuar nga pika e bardhë.

Skuadra e Dukagjinit e ka barazuar rezultatin kundër Gjilanit.

Golin e barazimit për ekipin nga Klina e ka shënuar mesfushori Mentor Zhdrella. Zhdrella në minutën e 59-të shënoi nga penalltia.

Skuadra e Gjilanit është në epërsi prej një goli përballë Dukagjinit (1:0). Golin e vetëm në këtë pjesë të lojës, e shënoi Gerhard Progni.

Kapiteni i Gjilanit, Progni shënoi nga penalltia në minutën e 25-të, e cila u dha pas rishikimit të rastit me sistemin VAR.

Në minutat shtesë, Gjilani ka mbetur me një lojtar më pak. Portieri Enea Koliçi është përjashtuar me karton të kuq.

Kjo ndeshje i takon xhiros së 21-të të Superligës së Kosovës në futboll dhe po zhvillohet në qytetin e Gjilanit.

Skuadra e Gjilanit ka kaluar në epërsi ndaj Dukagjinit në ndeshjen e xhiros së 21 të Superligës së Kosovës në futboll.

Rezultatin e zhbllokoi kapiteni i Gjilanit, Gerhard Progni.

Progni shënoi në minutën e 25-të nga penalltia që u akordua pas intervenimit të sistemit VAR.

© KOHA. Të gjitha të drejtat janë të rezervuara.