2 perditesime
14:42

Drenica me një lojtar më pak në fushë

Drenica nga minuta e 77-të do të detyrohet të luajë me një lojtar më pak në fushë.

Pas një dueli që e pati Fatlum Gashi me Gerhard Prognin, Gashi i Drenicës ndërhyri ashpër në futbollistin e Gjilanit.

Mesfushori Gashi fillimisht u ndëshkua me karton të verdhë. Pas rishikimit të VAR-it, gjyqtari Mentor Ajeti, e anuloi kartonin e verdhë dhe e ndëshkoi Gashin direkt me të kuq.

14:35

Gjilani barazon shifrat në Skenderaj

Shend Kelmendi ka barazuar shifrat për skuadrën e Gjilanit në ndeshjen që po e luan në udhëtim te Drenica në “Skenderaj”.

Aktualisht, rezultati në stadiumin “Bajram Aliu” është 1:1.

Drenica avancoi në pjesën e parë, por Kelmendi me gjuajtje të saktë zhagas, barazoi shifrat në 1:1, në minutën e 71-të.

13:27

Drenica shënon nga penalltia kundër Gjilanit

Skuadra e Drenicës është duke fituar në ndeshjen kundër Gjilanit në stadiumin “Bajram Aliu”.

Penalltia u dha nga gjyqtari kryesor Mentor Ajeti, vetëm pas rishikimit të VAR-it.

U krijua tollovi brenda në zonë, por gjyqtari vendosi për pikën e bardhë pasi e rishikoi rastin.

Kreshnik Uka mposhti Enea Koliçin nga 11-të metra në minutën e 25-rt. Ishte goli i 11-të sezonal për sulmuesin e krahut.