Franca ka bërë rikthim të madh në rezultat për të kaluar në gjysmëfinale të Kampionatit Evropian të hendbollit. Franca të mërkurën mbrëma e mposhti Danimarkën me rezultatin 30:29.
Danezët ishin në epërsi thuajse gjatë tërë takimit, por në minutat e fundit Franca u kthye dhe arriti te fitorja vendimtare. Franca e fiton Grupin I të raundit kryesor.
I ka 8 pikë, sa edhe Danimarka në pozitën e dytë. Fitorja e Francës ka lënë jashtë gjysmëfinales Islandën, që është e treta me 6 pikë. Islanda do të luaj për vend të pestë. Dika Mem udhëhoqi Francën me 8 gola, sa i kishte edhe Hugo Descat.
Te Danimarka u dalluan Niclas Vest Kirkelokke me 10 gola dhe Jacob Tandrup Holm me 9 gola. Danimarka më herët kishte siguruar gjysmëfinalen, por humbja i kushtoi me vendin e parë në grup.
Më herët të mërkurën, Islanda fitoi ndaj Malit të Zi me shifrat 34:24, ndërsa Holanda e Kroacia luajtën baras, 28:28. Kroacia e Holanda përfunduan me nga tri pikë, ndërsa Mali i Zi me dy. Gjysmëfinalet janë më 28 janar. Franca e Suedia takohen prej orës 18:00, ndërsa Spanja e Danimarka prej orës 20:00.
-
26 janar 2022 23:21
-
Shpërndaje në: