E ardhmja e sulmuesit të Arsenali, Edward Nketiah, mbetet e paqartë.
Reprezentuesi i Anglisë ende nuk e ka pranuar ofertën e Arsenalit për vazhdimin e kontratës, e cila i skadon në fund të sezonit.
“The Athletic” shkruan të enjten se situatën e Nketiahs po e monitoron Aston Villa.
Klubi anglez në krye me trajnerin Steven Gerrard po synojnë që ta marrin anglezin si lojtar të lirë në verë pa pasur nevojë që të paguajnë dëmshpërblim.
22-vjeçari ka luajtur në vetëm nëntë ndeshje këtë sezon. Ka shënuar pesë gola në katër takime në Kupën e Ligës së Anglisë.
Nketiah ka impresionuar me Anglinë U21 ku ka shënuar 16 gola në 17 ndeshje.
