Lewandowski më i miri i vitit

Sulmuesi i Bayern Munichut, polaku Robert Lewandowski është shpallur futbollisti më i mirë i vitit 2021 nga FIFA. Polaku e ka pasur një vit të jashtëzakonshëm, në të cilin ka shënuar hiq më pak se 69 gola në total.

Për Lewandowskin, kjo është hera e dytë që e fiton këtë çmim pasi u shpall më i miri edhe për vitin 2020. Në konkurrencë për këtë çmim ishin edhe Lionel Messi që e fitoi “Topin e Artë” për vitin e shkuar dhe sulmuesi i Liverpoolit, Mohamed Salah.

Ndërkohë, në konkurrencën e femrave më e mira e vitit të shkuar nga FIFA është shpallur Alexia Putellas. Putellas muaj më parë e ka fituar edhe “Topin e Artë” për vitin 2021 pas sukseseve me Barcelonën duke u udhëhequr ekipin drejt “tripletës”. Putellas ka lënë pas vetes bashkëlojtaren e saj te Barcelona, Jennifer Hermoson dhe futbollisten e Chelseat, Sam Kerr.

Është shpallur 11-shja më e mirë e FIFA-s në konkurrencën e meshkujve për vitin e shkuar. Në ekipin më të mirë janë përzgjedhur lojtarët që kanë marrë më së shumti vota nga trajnerët.

Formacioni më i mirë i vitit ishte në sistemin 3-3-4.

Në portë ishte Gianluigi Donnarumma derisa mbrojtja përbëhej nga David Alaba, Ruben Dias, Leonardo Bonucci. Në mesfushë ishin Jorginho, N’Golo Kante, Kevin De Bruyne kurse sulmi përbëhej nga Cristiano Ronaldo, Erling Haaland, Robert Lewandowski e Lionel Messi.

Tifozët e Danimarkës dhe Finlandës janë shpallur më të mirët për vitin 2021 në ceremoninë që po mbahet në Zuerich nga FIFA.

Këtë çmim tifozët e të dy përfaqësueseve e kanë fituar për sjelljen e tyre gjatë ndeshjes mes Danimarkës dhe Finlandës në “Euro 2020” kur mesfushori Christian Eriksen kolapsoi.

Të gjithë tifozët ishin të shtangur derisa Eriksen ishte i shtrirë në fushë dhe po merrte ndihmën mjekësore përpara se të reagojnë me një përkrahje të fuqishme për mesfushorin kur kuptuan se gjendja e tij ishte stabile pasi ishte dërguar në spital. Tifozët në stadium ishin të bashkuar në këtë rast dhe për asnjë moment nuk treguan rivalitet por përkrahje për Eriksenin.

Thomas Tuchel është shpallur trajneri më i mirë i vitit 2021 nga FIFA.

Tuchel për këtë çmim e ka mposhtur Roberto Mancinin e Italisë dhe Pep Guardiolan e Manchester Cityt. Tuchel e ka udhëhequr Chelsean drejt triumfit në Ligën e Kampionëve sezonin e shkuar.

Tuchel ka thënë se ndihet i lumtur dhe krenar që e ka fituar këtë çmim.

“Është një çmim special dhe po mundohem ta shijojë këtë udhëtim te Chelsea. Ndihem shumë mirë në një klub kaq garues, ndoshta këtë edicion e kemi humbur paska hapin por nuk do të dorëzohemi. Është emocionuese për mua që e kam fituar këtë çmim”, ka thënë Tuchel. Ndërkohë, në konkurrencën e femrave, çmimin për trajnerin më të mirë të vitit 2021, e ka fituar Emma Hayes. Hayes ka pasur një vit të suksesshëm me skuadrën e Chelseat duke fituar tre trofe përgjatë vitit të shkuar. Hayes e ka fituar këtë çmim para trajnerit spanjolle Lluis Cortes dhe holandezes Sarina Wiegman.

Përfaqësuesja e Danimarkës, stafi i mjekëve dhe i trajnerëve e kanë fituar çmimin e FIFA për ferplej. Këtë çmim danezët e kanë fituar pas reagimit të shpejtë që e kanë pasur në rastin e kolapsimit të Christian Eriksenit në ndeshjen e “Euro 2020” kundër Danimarkës.

Eriksen kolapsoi në fushë por reagimi i shpejtë i bashkëlojtarëve të tij dhe pjesës tjetër të stafit të Danimarkës, ia shpëtuan jetën mesfushorit. Ishte njëra prej skenave më të trishtueshme të Kampionatit Evropian.

FIFA ka thënë se këtë çmim e kanë merituar danezët që kanë dhënë një shembull fantastik.

Sulmuesi i Tottenhamit, Erik Lamela e ka fituar çmimin “Pushkash” për golin më të mirë të vitit 2021.

Lamela është shpërblyer me këtë çmim për golin e realizuar ndaj Arsenalit në kuadër të Premier Leagues.

Në konkurrencë për këtë çmim ishin çeku Patrik Schick, Erik Lamela e iraniani Mehdi Taremi.

“Nuk kam menduar shumë kur e kam realizuar atë gol, thjesht jam munduar të gjejë këndin më të mirë për të shënuar”, ka thënë Lamela.

Edouard Mendy është shpallur portieri më i mirë për vitin 2021 nga FIFA në ceremoninë që po e mbanë online në Zuerich.

Mendy ka pasur paraqitje të mira vitin e shkuar te Chelsea, ekip me të cilin e fitoi trofeun e Ligës së Kampionëve. Mendy ishte ndër më të merituarit në këtë sukses të Chelseat. Në konkurrencën për portierin më të mirë të vitit ishin edhe Gianluigi Donnarumma e Manuel Neuer.

Emrin e portierit më të mirë të vitit të shkuar në ceremoninë e FIFA-s, e zbuloi ish-portieri i Danimarkës, legjenda Peter Schmeichel.

Në ora 19:00 ka filluar ceremonia e FIFA-s për shpalljen e më të mirëve të vitit 2021 në futboll, The Best.

Ceremonia po mbahet në Zuerich të Zvicrës. Kandidatë për çmimin kryesor janë Robert Lewandowski, Lionel Messi dhe Mohamed Salah.

© KOHA. Të gjitha të drejtat janë të rezervuara.