Kampioni në fuqi i Italisë, Interi, dëshiron ta mbajë portierin Samir Handanoviq edhe pas përfundimit të këtij sezoni.
Bëhet e ditur se Interi i ka ofruar tashmë sllovenit rinovimin e kontratës që i skadon në fund të edicionit. Interi po synon ta ketë Handanoviqin në ekip edhe për sezonin 2022/23 megjithëse ka siguruar shërbimet e portierit të Ajaxit, Andre Onana. Ky i fundit, do t’i bashkohet Interit si lojtar i lirë në verë.
Raportohet se negociatat mes Interit dhe Handanoviqit mund të mbyllen brenda këtij muaji me portierin 37-vjeçar që do ta pranojë rinovimin e kontratës. Handanoviq është kapiten i Interit dhe këtë sezon ka 28 paraqitje në të gjitha garat.
Ai është pjesë e Interit prej vitit 2012.
-
17 janar 2022 12:23
-
Shpërndaje në: