Актуелниот шампион на Италија, Интер и по завршувањето на оваа сезона сака да го задржи голманот Самир Хандановиќ.
Познато е дека Интер веќе му понудил на Словенецот да го обнови договорот кој му истекува на крајот од сезоната. Интер има за цел да го има Хандановиќ во тимот за сезоната 2022/23 иако ги обезбеди услугите на голманот на Ајакс, Андре Онана. Вториот на лето ќе му се приклучи на Интер како слободен играч.
Се дознава дека преговорите меѓу Интер и Хандановиќ може да бидат завршени во текот на овој месец со прифаќање на 37-годишниот голман за продолжување на договорот. Хандановиќ е капитен на Интер и оваа сезона има 28 настапи во сите натпреварувања.
Тој е дел од Интер од 2012 година.
