Peja ka fituar derbin e xhiros së 16-të në Superligën e Kosovës në basketboll. Pejanët e mposhtën Prishtinën me rezultatin 101:93, të dielën mbrëma.
Derbi i dy rivalëve të vjetër u dominua nga pejanët të cilët ishin në epërsi të lartë pothuajse gjatë gjithë takimit.
Lojtari më i dalluar te Peja ishte Stephen Maxwell me “double-double” prej 34 pikëve dhe 10 kërcimeve.
U dallua edhe Tyrone White me 32 pikë dhe 10 asistime.
Te Prishtina u veçua Wendell Mitchell me 23 pikë dhe 13 kërcime.
Peja pas 16 ndeshjeve është në pozitën dytë me 27 pikë, ndërsa Prishtina renditet në vendin e katërt me 24 pikë.
