Lëndimi i Fikayo Tomorit ka bërë që drejtuesit e klubit të Milanit të kërkojnë një mbrojtës.
Mediat italiane kanë bërë të ditur se drejtori sportiv i Milanit, Paolo Maldini, po insiston për qendërmbrojtësin e Manchester Unitedit, Eric Bailly.
Sipas “La Gazzetta dello Sport”, ekipi italian tashmë ka nisur negociatat me Unitedin pasi Bailly është i gatshëm ta vazhdojë karrierën në Serie A.
Bailly nuk bën pjesë në planet e trajnerit Ralf Rangnick për pjesën e mbetur të sezonit dhe deri më tani, 27-vjeçari ka luajtur vetëm katër ndeshje në Premier League.
“Rossonerët” po e kërkojnë në formë huazimi lojtarin me opsionin e blerjes në fund të sezonit.
