Bayerni Munichu e ka eliminuar skuadrën e Barcelonës nga Liga e Kampionëve. Skuadra gjermane në ndeshjen e fundit të Grupit E, ka triumfuar 3:0 në shtëpi ndaj Barcelonës që për herë të parë pas 21 vjetësh është eliminuar në fazën e grupeve të kësaj gare elitare.
Thomas Mueller (34’), Leroy Sane (43’) dhe Jamal Musiala (62’) shënuan për fitoren e gjashtë të Bayernit në po aq ndeshje të luajtura në fazën e grupeve të Championsit. Me rezultatin identik, Bayerni e pati mposhtur Barcelonën edhe në ndeshjen e luajtur në “Camp Nou”.
Me këtë fitore, Bayerni përfundoi i parë në grup me 18 pikë derisa Barça mbeti e treta me shtatë sosh dhe do të luajë në Ligën e Evropës. Pozita e dytë në këtë grup i ka takuar Benficas që falë fitores 2:0 ndaj Dynamo Kievit ka tubuar tetë pikë dhe ka avancuar në fazën e nokautit të Ligës së Kampionëve.
21:50
Bayerni në epërsi prej dy golave pas pjesës së parë
Bayern Munichu e ka mbyllur pjesën e parë në epërsi prej dy golave (2:0) ndaj skuadrës së Barcelonës. Kjo ndeshje po luhet në stadiumin “Allianz Arena” dhe i takon xhiros së fundit të Grupit E të Ligës së Kampionëve.
Thomas Mueller (35’) dhe Leroy Sane (43’), kanë shënuar për epërsinë e skuadrës bavareze. Për Barcelonën, ky rezultat nuk është aspak i favorshëm për shkak se do ta eliminojë nga Liga e Kampionëve.
Barça është e treta në grup pasi në pozitën e dytë është ngritur Benfica pas përfundimit të pjesës së parë. Edhe Benfica është në epërsi 2:0 ndaj Dynamo Kievit në ndeshjen tjetër të këtij grupi pas pjesës së parë.
21:49
Bayerni në avantazh ndaj Barcelonës
Skuadra e Bayernit ka kaluar në epërsi ndaj Barcelonës në ndeshjen e Grupit A të Ligës së Kampionëve. Rezultatin në stadiumin “Allianz Arena” të zbrazët, e zhbllokoi sulmuesi Thomas Mueller.
Mueller shënoi me kokë pas harkimit të Robert Lewandowskit, i cili mori top në krahun e majtë nga Leroy Sane dhe derpërtoi në zonë.
Me këtë rezultat, Barcelona nuk do të mund të kualifikohet në fazën e nokautit të Ligës së Kampionëve pasi Benfica po avancon 2:0 ndaj Dynamo Kievit. Aktualisht, Barça është e treta në grup, pozitë kjo që siguron pjesëmarrjen në Ligën e Evropës.
