Hamilton fiton në Arabinë Saudite, titulli vendoset në Abu Dhabi
Foto: AP
Lewis Hamiltoni ka fituar garën kontroverse dhe kaotike në Grand-Prixin e Arabisë Saudite.
Hamiltoni mposhti konkurruesin direkt për titull kampioni, Max Verstappenin, dhe tashmë gara për kampion në Formula 1 do të vendoset në javën tjetër në Abu Dhabi.
Kjo garë u karakterizua me dy ndërprerje, teksa lufta për vendin e parë ndërmjet dy garuesve kryesor ka qenë shumë e fortë.
Hamiltoni fitoi pavarësisht se u përplas prapa bolidit të Verstappenit në një periudhë të garës.
Me këtë triumf, tani të dy garuesit kanë pikë të njëjta në krye të tabelës dhe gjithçka do të vendoset në garën e fundit.
