Kloppi thotë se Lewandowski e ka merituar “Topin e Artë”
Trajneri i Liverpoolit, Jurgen Klopp, beson se “Topi i Artë” këtë vit i ka takuar sulmuesit të Bayern Munichut, Robert Lewandowski.
Trajneri gjerman nuk ka mohuar aftësitë e Lionel Messit, që e fitoi këtë çmim për herën e shtatë në karrierë, por ka thënë se Lewandowskit ka pasur një sezon fantastik.
“Me të vërtetë nuk jam i sigurt se çfarë është 100 për qind. Mendoj se gjithmonë mund t'ia jepni Lionel Messit për karrierën që ai ka për futbollistin që është. Por nëse nuk ia jepni Robert Lewandowskit këtë herë, atëherë kur do ta fitojë atë”, deklaroi Klopp.
Robert Lewandowskit fitoi çmimin si sulmuesi më i mirë i vitit derisa u rendit në pozitën e dytë pas Messit.
