Sport

Zaniolo mund të përfundojë në Premier League

Skuadra e Premier Leagues angleze, Tottenham Hotspur, ka shprehur interesim për yllin e skuadrës së Romës, Nicolo Zaniolo.

Zaniolo është njëri prej lojtarëve më të pëlqyer për trajnerin italian, Antonio Conte dhe 22-vjeçari shihet si përforcimi ideal për londinezët e Spursit.

Roma po synon që ta mbajë edhe më shumë në skuadër talentin e ekipit, por bisedimet për vazhdimin e kontratës nuk kanë qenë të suksesshme.

Kontrata aktuale e italianit përfundon në vitin 2024. Në edicionin e sivjetmë ai ka shënuar dy gola dhe ka tri asistime në 16 ndeshje të luajtura në të gjitha garat.