Sport

Fazlija thotë se Kosova nuk meritoi humbjen, kritikon “Dardanët”

 

Përzgjedhësja Afërdita Fazlija ka insistuar se Përfaqësuesja e Kosovës në futboll (femrat) nuk e ka merituar aspak humbjen ndaj Polonisë në kuadër të kualifikimeve për Kampionatin Botëror të vitit 2023.

Kosova pësoi humbje minimale 2:1 në Prishtinë nga Polonia në ndeshjen e Grupit F, përkundër që avancoi qysh në minutën e katërt me Liridona Sylën. Përzgjedhësja Fazlija ka thënë se rezultati real i këtij takimi, do të kishte qenë barazimi.