Dueli mes Tiranës dhe Prishtinës do të jetë i pari në Ligën Unike të vajzave në basketboll. Edicioni 2021/2022 do të jetë i pari i Ligës Unike për basketbolliste.
Gara nis të mërkurën me ndeshjen që zhvillohet në Tiranë orës 17:00.
Në Ligën Unike janë përfshirë gjashtë skuadra, tri më të mirat nga Kosova dhe tri më të mirat nga Shqipëria.
Në fakt, edicioni te basketbollistet është dashur të fillojë muajin e shkuar, por është shtyrë për shkak të ndeshjeve të përfaqësueseve që u luajtën këtë muaj.
Të mërkurën në Prizren zhvillohet edhe ndeshja tjetër e xhiros së parë. Skuadra e Bashkimit e pret Partizanin e Tiranës, prej orës 19:00 në palestrën “Sezai Surroi”. Ndërsa, xhiroja mbyllet të enjten me duelin mes Flamurtarit dhe Penzës, që zhvillohet në Vlorë dhe nis në orën 17:00.
© KOHA. Të gjitha të drejtat janë të rezervuara.
