Manchester Unitedi ka shënuar fitore të rëndësishme në kuadër të Ligës së Kampionëve. Skuadra angleze ka triumfuar në udhëtim te Villarreali me rezultatin 2:0, falë golave të Cristiano Ronaldos (78’) dhe Jadon Sanchos (90’).
Me këtë fitore, Unitedi ka konfirmuar pozitën e parë në Grupin F me dhjetë pikë, tri më shumë se Villarreali që renditet i dyti.
Në krye të Unitedit në këtë takim ka debutuar Michael Carrick që është trajner i përkohshëm pas shkarkimit të Ole Gunnar Solskjaerit të dielën.
Për Unitedin, kjo ishte fitorja e dytë këtë edicion në Champions ndaj Villarrealit dhe e treta në pesë ndeshje të luajtura në fazën e grupeve.
19:54
Mbyllet pa gola pjesa e parë ndërmjet Villarrealit e Unitedit
Ka përfunduar pa gola ndeshja ndërmjet Villarrealit dhe Manchester Unitedit që po zhvillohet në “Estadio de la Ceramica” në kuadër të Ligës së Kampionëve.
Në pjesën e parë, Villarreali ka pasur në 57 për qind të kohës posedimin e topit në krahasim me 43 për qind të Unitedit. Po ashtu, skuadra spanjolle ka regjistruar edhe nëntë tentime për gol, derisa ekipi anglez pati vetëm tri.
Kjo ndeshje i takon Grupit F dhe të dy skuadrat po luftojnë për pozitën e parë. Aktualisht, si Unitedi ashtu edhe Villarreali kanë nga tetë pikë dhe renditen në dy pozitat e para në tabelë.
