Thorgan Hazardi hyri në lojë në pjesën e dytë dhe shënoi dy gola për t’ia siguruar Dortmundit kalimin në 1/8 e finales së Kupës së Gjermanisë.
Dortmundi eliminoi Ingolstadtin, duke e mposhtur me rezultatin 2:0, duel që u zhvillua të martën mbrëma.
Hazardi hyri në lojë në minutën e 71-të dhe vetëm pas një minute e shënoi golin e parë, ndërkaq të dytin dhe të fundit, belgu e realizoi në minutën e 81-të.
Përderisa Hazardi shënoi të dy golat, Julian Brandti bëri dy asistime.
