Liverpoolit i ka takuar ndeshja dramatike në Madrid. Gjiganti anglez fitoi 3:2 ndaj Atletico Madridit në ndeshjen e grupit B të Ligës së Kampionëve. Ndeshja ishte shumë dramatike. Mohamed Salah shënoi për 1:0 në minutën e tetë. Naby Keita shënoi për 2:0 në minutën e 13-të.
Por madrilenët nuk u dorëzuan. Antoine Griezmann shënoi dy gola në pjesën e parë (20’, 34’) për të barazuar shifrat. Një pakujdesi i kushtoi Griezmannit me karton të kuq. Ai u përjashtua në minutën e 52-të. Golin e fitores Liverpooli e shënoi në minutën e 78-të. Salah ishte sërish realizator. Më pas Atleticos iu dha penallti, por vendimi u anulua pas rishikimit të situatës përmes sistemit VAR. Liverpooli udhëheq në grup me 9 pikë. Atletico është e dyta me 4 pikë, sa i ka edhe Porto në vend të tretë. Milani mbetet pa pikë, në vend të fundit.
22:40
Salah realizon penallti, Liverpooli sërish në epërsi
Mohamed Salah ka realizuar penallti në minutën e 78-të për ta kaluar në epërsi Liverpoolin në ndeshjen ndaj Atletico Madridit.
Liverpooli tani udhëheq 3:2, ndërkohë që Atletico është me një lojtar më pak.
Liverpooli ishte në avantazh 2:0, por më pas Madridi barazoi shifrat.
22:15
Griezmann përjashtohet për ndërhyrje të rrezikshme
Pasi shënoi dy gola, Antoine Griezmann është përjashtuar me të kuq në ndeshjen e Atletico Madridit me Liverpoolin.
Griezmann u përjashtua në minutën e 52-të. Ai ndërhyri ashpër ndaj Roberto Firminos.
21:51
2:2 pas pjesës së parë në Madrid
Pjesa e parë e ndeshjes Atletico Madrid – Liverpool ka përfunduar me rezultatin 2:2.
Mohamed Salab e Naby Keita shënuan fillimisht për Liverpoolin, por më pas Atletico u përgjigj me dy gola nga Antoine Griezmann.
Atletico Madridi ka barazuar në 2:2 rezultatin në ndeshjen ndaj Liverpoolit. Është Antoine Griezmann që shënoi golin e dytë të tij në minutën e 34-t. Griezmann realizoi me goditje nga zona, pasi Joao Felix shpërtheu në mbrojtjen e Liverpoolit.
21:25
Çfarë ndeshje në Madrid, Atletico ngushton rezultatin
Atletico Madridi është kthyer në lojë ndaj Liverpoolit.
Në minutën e 20-të, Koke goditi ultë nga distanca, ndërsa topin e devijoi Antoine Griezmann nga afërsia.
Tani rezultati është 2:1 në të mirë të Liverpoolit. Ndeshja po luhet në Ëanda Metrpolitano në Madrid. Goli i Atleticos është konfirmuar nga sistemi VAR.
21:19
Supergol i Keitas, Liverpooli udhëheq 2:0
Liverpooli po udhëheq 2:0 ndaj Atleticos në Madrid.
Fillimisht James Milner devijoi topin në rrjetë në minutën e tetë, pas një depërtimi fantastik të Mohamed Salah. Por, UEFA e llogariti gol të Salahut.
Golin e dytë për Liverpoolin e shënoi Naby Keita në minutën e 13-të. Ai realizoi supergol me goditje nga distanca.
