Napoli po kalon sezon fantastik në krye me trajnerin Luciano Spalletti.
Napolitanët kanë arritur tetë fitore në po aq ndeshje këtë sezon në Serie A.
Me 24 pikë, është në vendin e parë, me dy pikë më shumë se Milani.
Tetë fitore të njëpasnjëshme, Napoli i kishte arritur edhe në edicionin 2017/2018.
Në atë kohë drejtohej nga trajneri Maurizio Sarri. Në ndeshjen e xhiros së nëntë kishte barazuar me Interin 0:0.
Ndërkaq, në total kishte 14 ndeshje pa humbje, duke shënuar 12 fitore dhe dy barazime.
Në xhiron e nëntë, Napoli mund të vendos rekord të ri për fitore radhazi. Do të jetë mysafir i Romës.
Pjesë e rëndësishme e përbërjes së parë të Napolit në ndeshjet e fundit është edhe mbrojtësi nga Prishtina, Amir Rrahmani.
