Sport

Kasami nuk pajtohet me pozitën e sulmuesit

Mesfushori shqiptar Pajtim Kasami e ka shprehur haptas pakënaqësinë e tij për pozitën e re si sulmues. Ai ka thënë se pozita e tij natyrale është si mesfushor i qendrës.

Kasami së fundi luajti si sulmues në ndeshjen që Baseli e fitoi në udhëtim ndaj Sionit me golin e vetëm të shënuar nga Edon Zhegrova. Kasami u zëvendësua në minutën e 77-të.

“Të gjithë e dinë se ky nuk është pozicioni im i preferuar, Por, unë jam në shërbim të klubit dhe përpiqem të bëj më të mirën në këtë pozicion”, ka thënë Kasami për “Blue Sport”. 29-vjeçari në 17 ndeshje në të gjitha garat për Baselin ka shënuar një gol dhe ka kontribuar me katër asistime.