Sport

Kastrati shpreson ta ndihmojë Kosovën në ndeshjet e tetorit

 

Sulmuesi i krahut, Lirim Kastrati, është në formë të mirë pas transferimit te Legia e Varshavës dhe ai shpreson ta ndihmojë përfaqësuesen e Kosovës në ndeshjen kualifikuese të tetorit.

“Sonte në mbrëmje do ta kem një incizim të gjurit dhe më pas doktorët do të vendosin nëse unë mund të luajë me Kosovën në ndeshjet e këtij muaji. Kam një lëndim në gju, por dje dhe sot po ndihem më mirë dhe shpresoj që rezultati do të jetë pozitiv. Dëshira ime është që të luaj ndaj Suedisë dhe Gjeorgjise dhe ta ndihmoj Kosovën. Jam në kontakt edhe me FFK-në dhe stafin e përfaqësueses", ka thënë Kastrati për KOHËN.