Sport

Veton Berisha përkrah Haalandit, pas pritjes shumë të gjatë

 

Në verën e vitit 2016, vëllezërit Berisha ishin para një vendimi të vështirë. Të vazhdonin të luanin për Norvegjinë që ua kishte ofruar të gjitha mundësitë për të bërë karrierë në futboll. Apo të kalonin te Kosova, vendi i origjinës së tyre.

Vëllezërit Berisha vendosën për një zgjidhje origjinale. I madhi, Valoni, kaloi te Kosova, ku prej atëherë është prej lojtarëve kryesorë. I vogli, Vetoni, vendosi të mbetet te Norvegjia. Ishte një vendim i vëllezërve, që natyrisht ka ndikuar në karrierën e të dyve.