Napoli ka shënuar fitoren e radhës në Serie A. Të dielën në stadiumin “Diego Armando Maradona”, Napoli e mposhti Cagliarin me rezultatin 2:0.
Skuadra e drejtuar nga trajneri Luciano Spalleti ka regjistruar fitoren e gjashtë në po aq ndeshje.
Vendasit e nisën më mirë takimin duke shënuar në minutën e 11-të me anë të sulmuesi Victor Osimhen.
Edhe në minutat në vazhdim nikoqirët kishin shanse të mira por nuk i konkretizuan.
Në pjesën e dytë napolitanët shënuan sërish. Lorenzo Insigne në minutën e 57-të shënoi nga pika e bardhë për 2:0.
Në këtë ndeshje nga minuta e parë u paraqit mbrojtësi kosovar, Amir Rrahmani.
Napoli pas gjashtë ndeshjeve është lider në Serie A me 18 pikë, derisa Cagliari është në pozitën e 19-të me dy pikë.
-
27 shtator 2021 00:47
-
Shpërndaje në: