Sport

Prishtina mposht me rezultat të thellë Feronikelin

Prishtina ka shënuar fitoren e dytë radhazi në kampionat. Kampionia në fuqi të dielën e ka mposhtur në udhëtim Feronikelin me rezultat të thellë 4:0.

Kryeqytetasit e dominuan nga fillimi e deri në fund takimin në Drenas.

Serinë e golave për “bardhekaltërit” e hapi Endrit Krasniqi në minutën e tetë.

Në minutën e 29-të mysafirët dyfishuan epërsinë me golin e shënuar nga Leutrim Kryeziu.

Edhe në pjesën e dytë prishtinasit dominuan duke shënuar edhe dy gola të tjerë.

Në minutën e 79-të sulmuesi, Otto John realizoi për 3:0. Bleart Tolaj vulosi fitoren e prishtinasve prej 4:0.

Prishtina ka tetë pikë, derisa Feronikeli mbetet me gjashtë sosh.