Barcelona ka barazuar pa gola në udhëtim te Cadizi, në ndeshjen që i takoi xhiros së gjashtë në La Liga.
Barça e kishte dominimin e plotë të ndeshjes deri në minutën e 65-të kur mesfushori Frenkie de Jong u ndëshkua me kartonin e dytë të verdha brenda pak minutash.
Pas kësaj, vendasit morën kontrollin e lojës por pa ia dalë që të shënojnë dhe kështu takimi u mbyll baras 0:0.
Barcelona, që ka një ndeshje më pak të zhvilluar, tubon nëntë pikë në vendin e shtatë, shtatë më pak se lideri Real Madrid. Cadizi me gjashtë pikë pozicionohet i 14-ti.
