Me autogolin e portierit shqiptar të Lazios Thomas Strakosha, Galatasaray e ka fituar ndeshjen e parë të fazës së grupeve të Ligës së Evropës.
Ndeshja u zhvillua të enjten dhe i takoi Grupit E.
Strakosha shënoi autogol në tentim për ta larguar topin mbi portë në minutën e 67-të.
Titullar te Lazio ishin portieri Strakosha dhe mbrojtësi Elseid Hysaj, kurse Vedat Muriqi në stol.
Muriqi në minutën e 56-të u inkuadrua në fushë.
20:20
Strakosha e nis me gafë sezonin e ri
Thomas Strakoshës për herë të parë këtë edicion iu besua pozita e startuesit te Lazio, në ndeshjen e Ligës së Evropës kundër Galatasarayt.
Por shpërblimin e trajnerit Maurizio Sarri nuk e ka kthyer në mënyrën më të mirë vetë portieri shqiptar, që ka bërë një gafë të tmerrshme duke i dhënë epërsinë Galatasarayt kur kanë mbetur edhe 10 minuta lojë.
Sarri po e preferon si portier të parë Pepe Reinan për shkak të lojës së mirë me këmbë të këtij të fundit.
