Kosova shënon fitoren e parë në kualifikimet për Botërorin 2022

Kosova ka shënuar fitoren e parë historike në kualifikimet për Botëror, duke mposhtur 1:0 në udhëtim Gjeorgjinë.

Autogoli i Davit Khocholava në minutën e 18-të ishte vendimtar në këtë takim, gol që u realizua pas krosimit të Valon Berishës. Fitorja ishte gjithashtu e para në Grupin B të kualifikuesve për Botërorin ''Katari 2022''. 

Kosova kishte disa rraste të rrezikshme me Lirim Kastratin, i cili dështoi dy herë ballë për ballë me portierin vendas.

Dardanëve madje iu anulua një gol nga VAR-i për pozicion jashtë loje, kur Vedat Muriqi realizoi në minutën e 84-të.

Me këtë fitore, Kosova ngjitet në vendin e tretë të Grupit B me tre pikë. Gjeorgjia mbetet në vendin e fundit me një pikë. Greqia është e katërta me dy pikë, ndërsa tabelës i prin Spanja me shtatë pikë, e ndjekur nga Suedia me gjashtë sosh.

Takimin e ardhshëm, Kosova e luan në ‘’Fadil Vokrri’’ më 5 shtator kundër Greqisë.

Ka nisur pjesë e dytë mes Gjeorgjisë dhe Kosovës.

Bernard Challandes ka vendosur t’i besojë 11-shes startuese, duke mos bërë asnjë zëvendësim gjatë pushimit mes pjesëve.

Kosova e ka mbyllur në epërsi prej 0:1 pjesën e parë në udhëtim te Gjeorgjia.

Në minutën e 18-të, Khocholava realizoi në portën e vet pas krosimit të Valon Berishës.

Vendasit pothuajse nuk rrezikuan asnjëherë portën e Arijanet Muriq në këtë 45 minutësh.

Kosova ka shënuar golin e epërsisë përballë Gjeorgjisë.

Në minutën e 18-të, Khocholava realizoi në portën e vet pas krosimit të Valon Berishës. 

https://streamja.com/p6rGm

Ka nisur sfida për kualifikueset e Botërorit ‘’Katari 2022’’ ndërmjet Gjeorgjisë dhe Kosovës, e vlefshme për Grupin B.

Gjeorgjia pas tre ndeshjeve të zhvilluara ka një pikë, ndërsa Kosova nuk ka asnjë pikë në dy ndeshje të luajtura.

Kosova do të luajë sot në Batumi kundër Gjeorgjisë në kuadër të Grupit B të eliminatoreve për Botërorin 2022 në Katar.

Dardanët nuk kanë asnjë pikë nga dy ndeshjet e zhvilluara për kualifikimet e Botërorit, pasi u mposhtën nga Spanja e Suedia. Gjeorgjia ndërkohë ka një pikë pas tre ndeshjeve të zhvilluara, duke barazuar me Greqinë, teksa u mposht nga Spanja dhe Suedia.

Formacioni i Bernard Challandes është i njëjtë me atë çfarë ka raportuar KOHA mëngjesin e sotëm. 

Ndeshja fillon nga ora 18:00.

Formacionet e të dy ekipeve:

© KOHA. Të gjitha të drejtat janë të rezervuara.