Mesfushori i Juventusit, Adrien Rabiot, ka dëmtuar muskujt dhe si rezultat i lëndimit, ai pritet ta humb ndeshjen e parë të edicionit ndaj Udineses.
Lajmi është bërë i ditur nga “Zonja e Vjetër” e cila ka bërë të ditur se francezi do të ketë disa kontrolle gjatë dhjetë ditëve të ardhshme për të parë saktë gjendjen e tij.
Ndërkohë, “Gazzetta dello Sport” shkruan se Rabioti pritet të qëndrojë jashtë fushës për tri javë.
Nëse konfirmohet se Rabioti do të jetë jashtë për tri javë, atëherë ai do të mungojë në duelin ndaj Udineses që do të luhet me 22 gusht.
