Arbër Zeneli, skuadra e tij Reims dhe Përfaqësuesja e Kosovës kanë marrë një goditje të fortë para fillimit të sezonit të ri.
Klubi francez përmes një komunikate ka njoftuar se ylli kosovar ka thyer sërish ligamentin e gjurit, lëndim të njëjtë që kishte pësuar edhe në vitin 2019.
Zenelit iu deshën gati një vit për t’u rikuperuar plotësisht pas atij lëndimi.
Ai tani do t’i nënshtrohet testeve shtesë dhe më pas do të futet në operacion.
Ende nuk mund të dihet data e saktë se kur 26-vjeçari do të jetë përsëri në fushë.
