Arsenali ka nënshkruar me mbrojtësin anglez Ben White nga Brightoni në një marrëveshje prej 50 milionë funte.
White, i cili ishte i ftuar si zëvendësim i Alexander-Arnold në skuadrën e Anglisë në Euro 2020, ka nënshkruar një marrëveshje pesë-vjeçare, me mundësinë e një viti tjetër.
Arsenalit iu refuzuan dy oferta për 23-vjeçarin para se të arrihej një marrëveshje me Brighton, që ka edhe një klauzolë shitje.
White është nënshkrimi i tretë i klubit këtë verë, pasi mbrojtësi i majtë Nuno Tavares u bashkua nga Benfica për rreth 8 milionë funte dhe mesfushori Albert Sambi Lokonga arriti nga Anderlecht.
Qendërmbrojtësi bëri 39 paraqitje për Brighton në të gjitha garat sezonin e kaluar.
Para sezonit të tij debutues në Premier League vitin e kaluar, White bëri përshtypje në huazim te Leedsi në Championship 2019/20, gjë që bëri që Brightoni ta siguronte atë me një kontratë të re katërvjeçare.
© KOHA. Të gjitha të drejtat janë të rezervuara.
