Është mbyllur me rezultat të barabartë ndeshja miqësore në mes të Polonisë dhe Islandës.
Kjo ndeshje miqësore u zhvillua të martën. Islanda ishte dy herë në epërsi ndaj polakëve. Fillimisht në minutën e 26-të shënoi Albert Gudmundsson, ndërsa në 1:1 shifrat i barazoi Piotr Zielinski në minutën e 34-t. Ingi Bjarnason e ngriti epërsinë në 2:1 për Islandën në minutën e 47-të, kurse Karol Swiderski e shpëtoi nga disfata Poloninë. Ai shënoi gol në minutën e 88-të.
