Sport

Titulli mund të vendoset sërish në Gjilan

 

Titulli i kampionit në Superligën e Kosovës në futboll për edicionin 2020/2021 mund të vendoset në Gjilan.

Prishtina, që është vetëm një pikë larg trofeut më të çmueshëm të futbollit kosovar, do të jetë mysafire e Gjilanit në ndeshjen e xhiros së 35-të (të parafundit). Ekipit nga kryeqyteti i kryen punë edhe një barazim për ta nisur festën, e cila i ka munguar qe tetë vjet. Fakt interesant është se edhe në edicionin e kaluar titulli ishte përcaktuar në stadiumin e qytetit në Gjilan. Barazimi i Gjilanit me Ballkanin, 2:2, kishte bërë që Drita të niste festën, pasi një ditë më herët e kishte mposhtur Drenicën. Në fund të kampionatit, Drita dhe Gjilani kishin pikë të barabarta, nga 68, por për shkak të bilancit më të mirë në përballjet direkte, Drita ishte stolisur me titullin e kampionatit.