Sport

MKRS-ja arsyeton zvogëlimin e përkrahjes për federatat: Kaq kemi mundësi

“Vlera e koeficientit për pikëzim është bazuar në buxhetin aktual të Ministrisë së Kulturës, Rinisë dhe Sportit në linjën e subvencioneve dhe transfereve të Departamentit të Sportit. Duke konsideruar planifikimin buxhetor paraprak, obligimet e trashëguara nga viti i kaluar dhe gjendjen e rënduar financiare për shkak të pandemisë COVID-19, ne kemi vepruar paralelisht me mundësitë financiare që Ministria i ka momentalisht”, thuhet në një përgjigje të MKRS-së. Federatat, pa ndonjë reagim zyrtar për uljen e buxhetit prej rreth 40 për qind

 

“Vlera e koeficientit për pikëzim është bazuar në buxhetin aktual të Ministrisë së Kulturës, Rinisë dhe Sportit në linjën e subvencioneve dhe transfereve të Departamentit të Sportit. Duke konsideruar planifikimin buxhetor paraprak, obligimet e trashëguara nga viti i kaluar dhe gjendjen e rënduar financiare për shkak të pandemisë COVID-19, ne kemi vepruar paralelisht me mundësitë financiare që Ministria i ka momentalisht”, thuhet në një përgjigje të MKRS-së. Federatat, pa ndonjë reagim zyrtar për uljen e buxhetit prej rreth 40 për qind

Rreth 40 për qind u është zvogëluar federatave sportive buxheti për vitin 2021, krahasuar me buxhetin që e kishin në vitin 2020. Por asnjë prej federatave nuk ka reaguar zyrtarisht për këtë ulje, ndërkohë që Ministria e Kulturës, Rinisë dhe Sportit ka arsyetuar vendimin. Madje, sipas MKRS-së, ulja e vlerës së koeficientit për pikë, nuk duhet kuptuar si zvogëlim i përkrahjes së sportit në vendin tonë.

Ministria e Kulturës, Rinisë dhe Sportit të premten ka nënshkruar memorandumet e bashkëpunimit me Komitetin Olimpik të Kosovës dhe me nëntë federata sportive. Përmes memorandumeve përcaktohet përkrahja financiare për federatat sportive nga MKRS-ja, përkatësisht nga buxheti i shteti.