Sport

Driton Kuka shtjellon për KOHËN idenë për Këshillin Kombëtar të Sportit

Driton Kuka shtjellon për KOHËN idenë për Këshillin Kombëtar të Sportit

Nga Bjeshkët e Roglas në Slloveni, ku po e përgatit ekipin elitar për Botëror e Lojëra Olimpike, Driton Kuka të martën doli me idenë për të themeluar Këshillin Kombëtar të Sportit në Kosovë. Përmes një postimi në rrjetet sociale, trajneri i Kosovës në xhudo, ka thënë se Këshilli Kombëtar është domosdoshmëri dhe se sporti në Kosovë është në krizë.

 

Një Këshill Kombëtar për sportin, që do të përcaktonte politikat sportive dhe do të mbikëqyrte punën e KOK-ut dhe federatave sportive, është i domosdoshëm, vlerëson trajneri i xhudos, Driton Kuka. Ai ka thënë se sporti i Kosovës është në krizë dhe se Këshilli do të shërbente për të kthyer sportin në binarë. Kuka vlerësohet kompetent për të dhënë propozime për të çuar sportin përpara. Ekipi i tij është bindshëm më i suksesshmi në vend

Nga Bjeshkët e Roglas në Slloveni, ku po e përgatit ekipin elitar për Botëror e Lojëra Olimpike, Driton Kuka të martën doli me idenë për të themeluar Këshillin Kombëtar të Sportit në Kosovë. Përmes një postimi në rrjetet sociale, trajneri i Kosovës në xhudo, ka thënë se Këshilli Kombëtar është domosdoshmëri dhe se sporti në Kosovë është në krizë.

Vlerësohet se Driton Kuka e ka kredibilitetin për të dhënë propozime që shtyjnë sportin kosovar para. Kuka si trajner është dukshëm më i suksesshmi në vend, por edhe më gjerë. Me nxënësit e tij ka shkruar histori dhe vazhdon të shkruajë atë. Xhudistët e Kosovës fitojnë vazhdimisht medalje në kampionate botërore e evropiane, ndërsa synojnë edhe medalje në Lojërat Olimpike. Kosova ka debutuar në Olimpiadë me të artë, falë Majlinda Kelmendit, nxënëses më të suksesshme të Kukës.