Sport

Unitedi insiston për Torresin

 

Manchester Unitedi po insiston në transferimin e qendërmbrojtësit të Villarrealit, Pau Torres kanë raportuar mediumet spanjolle të premten. Mësohet se ekipi anglez po kërkon ta kompletojë transferimin e Torresit para fillimit të “Euro 2020” që nis në mesin e muajit qershor.

Madje, për ta bindur Villarrealin në lirimin e tij, Unitedi është i gatshëm të ofrojë deri në 60 milionë euro dëmshpërblim. Për kartonin e Torresit, Villarreali po kërkon 65 milionë euro duke pasur parasysh se reprezentuesi i Spanjës ka kontratë deri në vitin 2024.