Trajneri i Bayern Munich, Hansi Flick, ka konfirmuar se ai do të largohet nga klubi në fund të sezonit.
Flick e bëri njoftimin të shtunën pas fitores së skuadrës së tij 3-2 ndaj Wolfsburg - një rezultat që i çoi ata më afër një titulli tjetër të Bundesligës.
56-vjeçari mori detyrën e trajnerit të Bayernit vetëm në nëntor 2019 dhe udhëhoqi Bavarezët në fitimin e Bundesligës, DFB-Pokal dhe Champions Leagues në sezonin e tij të parë në krye.
"Unë i thashë ekipit sot se e informova klubin gjatë javës, pas ndeshjes në Paris, se do të doja të përfundojë kontratën time në fund të sezonit. Ishte e rëndësishme për mua që ekipi e dëgjoi atë nga unë", tha Flick për Sky Germany.
Flick pritet ta marrë drejtimin e Përfaqësueses së Gjermanisë pas përfundimit të Kampionatit Evropian.
-
17 prill 2021 19:57
-
Shpërndaje në: