1 perditesime
16:54

Humbja e gjashtë rresht për Liverpoolin në shtëpi

Nuk kanë të ndalur humbjet për Liverpoolin në ndeshjen si vendas. Liverpooli kishte pesë humbje rresht si vendas në Premier League, që ishte seria më e keqe në histori të klubit. Por të dielën e pësoi edhe humbjen e gjashtë rresht si vendas.

Në kuadër të xhiros së 27-të të Premier Leagues, Liverpooli humbi në Anfield nga Fulhami me rezultatin 1:0. Goli i Mario Leminas në minutën e 45-të vendosi sfidën e kampionatit anglez.

Xherdan Shaqiri kompletoi ndeshjen për Liverpoolin, por pa ia dalë të bëj dallimin. Liverpooli është i shtati me 43 pikë nga 28 ndeshje. Fulhami renditet i 18-ti me 26 pikë.

15:52

Liverpooli po pëson pas pjesës së parë

Liverpooli vazhdon të ketë telashe me rezultate në Premier League. Kampioni i Anglisë po luan në Anfield ndaj Fulhamit dhe pas pjesës së parë është duke pësuar 1:0. Mario Lemina ka kaluar Fulhamin në epërsi në minutën e 45-të.

Ndeshja i takon xhiros së 27-të të Premier Leagues. Te Liverpooli ka startuar Xherdan Shaqiri.