Sport

Kosova s’ka siguri se do t’i ketë të gjithë lojtarët në mars

Kosova s’ka siguri se do t’i ketë të gjithë lojtarët në mars
Foto: Driton Paqarada/KOHA

Prishtinë, 24 shkurt – Përfaqësuesja e Kosovës në futboll muajin e ardhshëm nis një cikël tjetër kualifikues, atë të botërorit “Katari 2022”. Do të grumbullohet më 22 mars, dy ditë para se ta luajë ndeshjen miqësore kundër Lituanisë. Pas katër ditësh luan atë kualifikuese ndaj Suedisë në stadiumin “Fadil Vokrri”, në Prishtinë, ndërsa më 31 mars do të jetë mysafire e Spanjës. Mirëpo Kosova mund të përballet me telashet e njëjta si të vitit të kaluar.

 

Prishtinë, 24 shkurt – Përfaqësuesja e Kosovës në futboll muajin e ardhshëm nis një cikël tjetër kualifikues, atë të botërorit “Katari 2022”. Do të grumbullohet më 22 mars, dy ditë para se ta luajë ndeshjen miqësore kundër Lituanisë. Pas katër ditësh luan atë kualifikuese ndaj Suedisë në stadiumin “Fadil Vokrri”, në Prishtinë, ndërsa më 31 mars do të jetë mysafire e Spanjës. Mirëpo Kosova mund të përballet me telashet e njëjta si të vitit të kaluar.

“Dardanët” u ballafaquan me vështirësi në grumbullimin e lojtarëve shkaku i situatës së rënduar dhe masave rigoroze të marra nga disa shtete në luftën kundër koronavirusit. Disa prej lojtarëve kyç u munguan “Dardanëve” në ndeshjet më të rëndësishme të saj. E me situatë të njëjtë mund të përballet sërish, meqë lojtarët jetojnë në shtete të ndryshme të Evropës.