Joshua Zirkzee pritet të largohet nga skuadra e Bayern Munichut gjatë afatit kalimtar të janarit.
Mediumet gjermane kanë shkruar të mërkurën se Bayerni tashmë është në negociata me Evertonin dhe Parman, ekipe që kanë shprehur interesim për transferimin e sulmuesit 19-vjeçar.
Mësohet se si Evertoni ashtu edhe Parma po e kërkojnë huazimin e Zirkzees deri në fund të këtij edicioni me mundësinë e blerjes së kartoni të tij për dhjetë milionë euro.
Zirkzee para fillimit të këtij edicioni është promovuar në ekipin e parë të Bayernit, por ka pasur hapësirë të limituar pasi ka regjistruar vetëm tri paraqitje në Bundesligë.
Ai ka kontratë me bavarezët deri në verën e vitit 2023.
© KOHA. Të gjitha të drejtat janë të rezervuara.
