Milani nuk është dorëzuar për t’i siguruar shërbimet e mbrojtësit të Barcelonës, Junior Firpo.
Sipas mediave italiane, kuqezinjtë do të bëjnë edhe një ofertë të fundit për të tentuar transferimin e 24-vjeçarit.
“Rossonerët” e kanë kërkuar mbrojtësin në formë huazimi me të drejtë blerjeje në fund të sezonit për 20 milionë euro.
Firpo ka kontratë me katalonjasit deri në vitin 2024. Ai këtë sezon është paraqitur në vetëm pesë ndeshje në La Liga.
