Juventusi po planifikon transferimin e sulmuesit të Romës, Edin Xheko.
Mediat italiane kanë raportuar të hënën se kampioni në fuqi i Italisë, është duke e monitoruar situatën e sulmuesit te Roma.
Xheko do të largohet nga kryeqytetasit gjatë këtij afati kalimtar pas problemeve me trajnerin Paulo Fonseca.
“Zonja e Vjetër” thuhet se ka ofruar shkëmbimin e Federico Bernardeschit për Xhekon.
Juventusi edhe më herët ka qenë i lidhur me një transferim të sulmuesit boshnjak.
Xheko në ndeshjen e fundit ndaj Spezias nuk ishte ftuar nga trajneri Fonseca.
