Erling Haaland dëshiron të qëndrojë te Borussia Dortmundi. Pavarësisht spekulimeve rreth të ardhmes së tij, talenti norvegjez thuhet se ka vendosur të mbetet në Gjermani.
Sipas të përditshmes gjermane “Kicker”, lojtari i ka bërë të ditur menaxherit të tij Mino Raiola se nuk dëshiron të largohet nga “Signa Iduna Park”.
20-vjeçari ka kontratë me ekipin gjerman deri në vitin 2024.
Ai këtë edicion në të gjitha garat ka shënuar 21 gola dhe ka bërë tri asistime. Për Haalandin, interesim kanë shprehur skuadrat si Chelsea, Barcelona dhe PSG-ja.
